Os representantes Esquerda Nacionalista no Consello Nacional do BNG abstivéronse na votación das candidaturas eleitorais que deseñou a Executiva Nacional.
 
Esquerda Nacionalista valora con grande preocupación o uso do poder institucional e organizativo por parte da actual dirección da Frente, desprazando as disidéncias ben sexan de persoas, partidos ou colectivos. Isto supón o esquecimento pola actual dirección dos principios políticos e organizativos con que o BNG se dotou desde a sua fundación e que seguen vixentes.
 
Esquerda Nacionalista quere dar a coñecer ao conxunto do BNG que, como sempre, traballará con todo o seu esforzo e compromiso militante para que o nacionalismo galego consiga os seus obxectivos nas eleicións do vindeiro 1 de Marzo.